Meny

Vil ha lokalbestemt skatt

Denne artikkelen er over ett år gammel og kan innholde utdatert informasjon

(NPK): Kommunestyret i norske kommunar må kunne heve eller setja ned inntektsskatten til innbyggjarane med to prosent. Det meiner eit breitt spekter av KS-politikarar.

Av Nynorsk Pressekontor, Nynorsk Pressekontor

Eit KS-utval (Kommunenes Sentralforbund) med politikarar frå alle politiske parti seier ja til lokal skatt. Drammen-rådmann Nils Wisløff leier utvalet, som no legg fram ei offentleg, kommunal utgreiing om friare skattleggingsrett for kommunane.

Kommunar i Sverige og Danmark har i mange år stått fritt til å setje skattenivået sjølve.

- Noreg har mykje større skilnader i busetjingsmønster, og vi foreslår større avgrensingar enn dei har i Sverige og Danmark. Men situasjonen slik den er i dag, er heilt låst, seier leiar av utvalet, Nils Wisløff, til Kommunal Rapport.


Set ikkje ned skatten


I dag betaler alle nordmenn 13,2 prosent inntektsskatt til kommunen, som er det maksimale kommunane kan krevje i inntektsskatt. Ikkje sidan 1979 har nokon kommune vedteke noko anna enn makssatsen - sjølv om dei også i dag har høve til å senke skattane.

Utgreiinga er ikkje heilt ferdig, men samandraget som no blir sendt til sentralstyret i KS, viser at partia samlar seg i kravet om å gi kommunane sjanse til å heve eller setja ned skattane med to prosentpoeng.

I tillegg ønskjer utvalet å lage ei norm for å rekne ut kva innbyggjarane i kommunane skal betale for vatn, avløp og renovasjon - etter same mønster som for nettleige.

- Forslaget vil gje eit mykje sunnare økonomisk regime enn dagens sjølvkostmodell. I staden for å leggje alle kostnader på brukarane, får kommunane motivasjon til å effektivisere.

Dei vil også kunne ta ut økonomisk gevinst, i motsetning til i dag, seier Wisløff til Kommunal Rapport. Utvalet vil også opne for at vindkraft og oppdrett skal gje naturressursskatt. (NPK)

Fleire nynorsk-artiklar:

Nynorsk
- Helse og samliv
- Kultur
- Mat og Drikke
- Moro
- Nett
- Nyhende
- Konkurransar


Populært

Velkommen til debatt

ABC Nyheter ønsker velkommen til debatt om det meste. Men vi krever at du er saklig og viser respekt for menneskene sakene handler om og dine meddebattanter. Regler for kommentering finner du her.

Tor Strand, redaktør.

comments powered by Disqus