Forbode med to hundar

Ifølgje dei nye reglane skal det til dømes berre vere lov å ha ein hund per husstand.

Det er med bakgrunn i naboklager at kommunen no har valt å gå hardt til verks.

I forslaget vert det forbode å ha meir enn ein hund dersom ein bur i byggjefelt. For dei som bur meir grisgrendt går grensa ved to vaksne hundar. Kommunen krev også at hundeeigarane til kvar tid har kontroll på hundane sine. Det vil i mange tilfelle seie bandtvang.

Rådmann Jostein By meiner talet på hundar skal ha tilbakeverkande kraft. Det vil seie at dei som har fleire hundar når reglane trer i kraft, ikkje får dispensasjon. Men han vil gi hundeeigarane tid til å områ seg.

Høyringsfristen for det nye regelverket er sett til 1. desember. Deretter skal politikarane drøfte saka, melder NRK Sogn og Fjordane. (NPK)

Fleire nynorsk-artiklar:

Nynorsk
- Helse og samliv
- Kultur
- Mat og Drikke
- Moro
- Nett
- Nyhende
- Konkurransar