Meny

Hytteboom mot nye høgder

Denne artikkelen er over ett år gammel og kan innholde utdatert informasjon

(NPK): Hyttene sprett opp som aldri før i skog og fjell og etterspurnaden viser ingen teikn på nedgang. I år blir det bygd 500.000 kvadratmeter nye hytter. Naturvernforbundet er skeptiske.

Veksten i byggjebransjen held fram. Bygginga av både hytte og bustad er venta å halde seg høg i år, vidare ut i neste år og i 2007. (Foto: Inger Robøle Kristiansen, NPK)Veksten i byggjebransjen held fram. Bygginga av både hytte og bustad er venta å halde seg høg i år, vidare ut i neste år og i 2007. (Foto: Inger Robøle Kristiansen, NPK)

Veksten i byggjebransjen held fram. Bygginga av både hytte og bustad er venta å halde seg høg i år, vidare ut i neste år og i 2007.

- Særleg utkantkommunar har vore ivrige på å leggje ut nye hyttetomter. Det er fordi dei har sett at det kan auke sysselsetjinga, betre økonomien, hindre fråflytting og generelt auke aktiviteten i kommunen, seier Kjell Senneset, sjefsøkonom hos Prognosesenteret til Nynorsk Pressekontor.

Samtidig ser eigedomsutviklarar at dette er ein bransje i vekst, og satsar stort på nye hytteprosjekt. Saman bidreg dette til at hyttemarknaden får ein sterkt vekst.

- Ein må sjå utviklinga i hyttemarknaden i samanheng med veksten elles i bygg- og eigedomsmarknaden. Veksten her gjer at mange har høve til å finansiere ei hytte, til dømes gjennom å låne litt ekstra på huset, seier sjefsøkonomen.


Overkøyrd av investorar


Det er ikkje tilfeldig kor folk vil ha hytte. - Folk vil ha hytte ved sjøen, eller på fjellet nær eit alpinsenter, fortel Kjell Senneset hos Prognosesenteret. (Foto: Anders Malm, NPK)Det er ikkje tilfeldig kor folk vil ha hytte. - Folk vil ha hytte ved sjøen, eller på fjellet nær eit alpinsenter, fortel Kjell Senneset hos Prognosesenteret. (Foto: Anders Malm, NPK)

Tor Midtun i Norges Naturvernforbund meiner skadeverknadene av eit hyttefelt ofte blir vurdert for dårleg på førehand.

- Det vi ser er at mange fattige kommunar, særleg i fjellstrøka, føler seg overkøyrd av pengesterke investorar. Desse investorane tilbyr raske inntekter det kan vere vanskeleg å seie nei til for ein økonomisk pressa kommune, seier Midtun.

Han presiserer at Naturvernforbundet ikkje er imot hyttebygging generelt, men tek til orde for å bremse litt ned og skape ein meir heilskapleg kommunal og fylkesmessig planlegging.

- Hyttebyane som blir bygd no i mange kommunar, krev full infrastruktur med veg, vatn og kloakk. Dei legg opp til eit mektig forbruk av energi, noko som i seg sjølv er tvilsamt, meiner Midtun.

- Kommunane har eit nasjonalt ansvar for å ta vare på naturen dei har. Dårleg planlagt hytteutbygging kan øydeleggje område som kan vere verdifulle i turistsamanheng, samtidig som det kan virke inn på trekkvegar og mattilgang for til dømes villreinen, legg Tor Midtun til. (NPK)

Fleire nynorsk-artiklar:

Nynorsk
- Helse og samliv
- Kultur
- Mat og Drikke
- Moro
- Nett
- Nyhende
- Konkurransar


Populært

Velkommen til debatt

ABC Nyheter ønsker velkommen til debatt om det meste. Men vi krever at du er saklig og viser respekt for menneskene sakene handler om og dine meddebattanter. Regler for kommentering finner du her.

Tor Strand, redaktør.

comments powered by Disqus