Overvektige menn risikerer tjukktarmkreft

Av Inger Robøle Kristiansen, NPK

To millionar menn er vege og målt gjennom skjermbilete- og helseundersøkinga sidan 1963, og det er på grunnlag av dette materialet at forskaren Anders Engeland ved instituttet kan trekkjer konklusjonar om samanheng mellom overvekt og kreft og mellom høgde og kreft.

50 prosent fleire

Overvektige menn har klart høgare risiko for kreft i tjukktarmen, og risikoen aukar med vekta. Det er 50 prosent fleire tilfelle av denne krefttypane hos overvektige enn blant normalvektige menn. Blant sterkt overvektige er det tre gonger så mange tilfelle.

Men blant overvektige og feite kvinner er det ikkje meir tjukktarmkreft enn blant normalvektige kvinner.

Engeland har samarbeidd med kollegaer ved Universitet i Bergen, Radiumhospitalet og Kreftregisteret om undersøkinga.

Han seier at når overvektige kvinner ikkje har den same risikoen for tjukktarmkreft som overvektige menn, har det truleg med det såkalla endogene østrogenet å gjera. Dette vernar mot tjukktarmkreft. Andre forskarar har funne at kvinner som tek hormontilskot mot plager i overgangsalderen også har mindre risiko for kreft i tjukktarmen.

Gallestein aukar kreftrisikoen

Forskaren og kollegaene såg også på tilfella av kreft i galleblæra. Det hadde overvektige kvinner større risiko for enn normalvektige kvinner. Kreftrisikoen har samanheng med gallestein. Det opptrer oftare hos overvektige og aukar risikoen for kreft i galleblæra.

Det var også ein samanheng mellom kroppshøgd og risikoen for kreft i tjukktarmen og galleblæra. Ti centimeter auka høgd medfører 10-15 prosent større risiko for kreft i tjukktarm og galleblære.

Engeland meiner at forklaringa kan vera så enkel som at høge personar har lenger tjukktarm og dermed fleire celler der det kan oppstå kreft.
I Noreg er det om lag 2.200 nye tilfelle av tjukktarmkreft årleg og 132 av kreft i galleblæra. (NPK)

Fleire nynorsk-artiklar:

Nynorsk