Marsj for verdas svoltne barn
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(NPK): På søndag vil minst 200.000 menneske over heile verda gå saman for å markere støtte til kampen mot svolt blant barn.
Marsjen er eit symbol på å ta steg i rett retning for å få bukt med svoltproblemet. Til saman vil folk over heile verda gå marsjar som svarar til fleire rundar rundt jorda.
Noreg er valt som eit pilotland for aksjonen «Fight Hunger, Walk the World» i regi av FNs World Food Programme.
Aksjonen skal setje fokus på verdas svoltproblem og få inn midlar til skulemat for titusenvis av barn i den tredje verda.
Fjorårets aksjon fekk inn midlar som gav 30.000 skulebarn mat i eitt skuleår. Målet i år er å kunne hjelpe minst 50.000 barn.
Svolt er den største helsetrusselen i verda. I fjor døydde fleire menneske av svalt enn av aids, malaria og tuberkulose til saman. I dag finst det meir enn 800 millionar kronisk svoltne menneske i verda - 300 millionar av desse er barn. (NPK)
Artikkelen er skreven av Anders Malm, Nynorsk pressekontor.
