Blondiner gjer menn dumme
Blondiner gjer menn dumme
Myta om den «dumme blondina» gjer menn mindre intelligente.
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Gjer menn dumme?
Er det Helene Rasks lange, lyse lokkar som gjer menn mindre intelligente? (Illustrasjonsfoto: Scanpix)
Blondiner verkar fordummande på menn.
Det hevdar forskarar ved Universitetet X-Nanterre i Paris, ifølgje TimesOnline.
Dei testa menns evne til å fullføre generelle kunnskapstester etter å ha blitt eksponert for ulike typar kvinner. Og i alle tilfella scora mennene dårlegast etter å ha sett på bilder av kvinner med lyse, flagrande hårlokkar.
Ifølgje forskarane handlar ikkje dette om at mennene blir distrahert av blondinenes utsjånad. Det er derimot den stereotype oppfatninga om den dumme blondina som umedvite får mennene til sjølve å «tenkje blondt».
Studien er publisert i tidsskriftet Journal of Experimental Psychology.
- Blondiner kan få folk til å oppføre seg dummare enn vanleg fordi mange umedvite etterapar stereotypien om den dumme blondina, seier forskingsleiar Thierry Meyer, professor i sosial psykologi.
Artikkelen fortsetter under annonsenArtikkelen fortsetter under annonsenOgså tidlegare forsking skal ha vist at folk, både medvite og umedvite, er påverka av stereotype oppfatningar og fordommar i møte med andre. Til dømes både går og pratar vi saktare enn elles i møte med eldre menneske.
Myta om at blondiner ikkje skal vere blant dei skarpaste knivane i skuffa, blei popularisert av stjerna Marilyn Monroe og filmar som «Gentlemen Prefer Blondes» (1953). I nyare tid kan Jessica Simpson, Paris Hilton og våre eigne glam-modellar Helene Rask og Lene Alexandra Øien skuldast for å halde liv i myta om den «dumme, men vakre blondina».
