Kvensk er vorte pop
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(NPK): Faget kom i gang i vår, og over 40 studentar har til no avlagt språkeksamen.
- Dette er uvanleg mange studentar. Ei av årsakene til populariteten kan vera at dette er eit nytt studium, og at fleire har venta på at det skulle starta. Ei anna årsak kan vera revitaliseringa av det kvenske språket som vi har opplevd i det siste, seier leiar for Institutt for språkvitskap på Universitetet i Tromsø, Endre Mørk, til NRK Nordnytt.
Kvensk er nærskyld gamalfinsk, og er språket til etterkomarane etter dei som vandra inn til Noreg frå finske og svenske nordområde for fleire hundre år sidan. Det bur kring 30.000 kvenar i Noreg, men berre eit par hundre av dei kan lesa og skriva kvensk.
Leiar i Norske Kveners Forbund, Helge Huru, er glad for at fleire no får innsyn i det kvenske språket.
- No kan vi redda eit språk som er i ferd med å forsvinne, seier han. (NPK)
