Kaffirust er blitt eit stort problem denne sommaren i Mellom-Amerika. Foto: CIAT International Center for Tropical Agriculture
Kan bli slutt på god kaffi
Sjukdom og klimaendringar kan ta livet av dei beste kaffibønnene.
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Sjukdommen kaffirust – ein type sopp – er i ferd med å bli ein epidemi i Sentral-Amerika denne sommaren. Dette kan truga livsgrunnlaget for fleire hundretusen bønder og kaffien til fleire millionar kaffidrikkarar.
Etter den siste kaffibløminga, er kaffirust funne over meir enn halvparten av kaffiområda som strekk seg frå Guatemala gjennom Honduras, El Salvador, Nicaragua, Costa Rica og Panama, melder nettstaden Wired. I desse områda har dei spesialisert seg på arabica-kaffiplanter. Arabica-kaffien gjev den beste kaffien, medan den meir hardføre robusta-kaffien er billegare og blir blanda saman med arabica i det meste av billegg kaffi.
Varme og kraftig regnvêr får skulda for problemet med kaffirust.
Biletet viser kaffifrukt på ein ville Arabica-plante. Foto: Forest & Kim Starr (CC-lisens)
– Det er kaffi med høg kvalitet som vil bli dyrare og vanskelegare å få tak i, seier Peter Giuliano i den amerikanske foreininga for kaffispesialitetar til Wired.
Artikkelen fortsetter under annonsenArtikkelen fortsetter under annonsenLes også: Færre trafikkulukker med kaffi
Kan bli utrydda om 70 år
Ifølgje ein studie frå botanikarar ved Royal Botanical Gardens i Kew i England i vinter, kan ville arabicabønner bli utrydda av klimaforandringar innan 70 år.
Det genetiske mangfaldet i bønnene som blir brukt til masseproduksjon på plantasjar er mykje mindre enn det ein finn vilt, åtvarar forskarane. Genane frå dei ville arabica-bønnene kan vera viktige når ein vil forbetra robustheita og andre eigenskaper ved avlingane.
Kaffibønnen arabica blir i dag brukt i kring 70 prosent av all kommersiell produksjon. Arabica-kaffiplanter veks hovudsakleg vilt i det sørlege Etiopia, men blir no dyrka i store mengder i Mellom- og Sør-Amerika og Indonesia.