Påskespel utan peiskos
For dei som ikkje sit i ei hytte og spelar Yatzy med familien, presenterer Neste Klikk nokre alternative påskespel.
Kle på Jesus
Jesus Dressup
er eit kanskje ikkje heilt kristeleg spel. Det er mogleg at enkelte blir fornærma fordi eg har valt ut denne leiken.
Det handlar likevel på ein måte om omsorg. Jesus heng der så naken på krossen, og vi må kle på han.
Hang der for oss
Kanskje kan vi også sjå på det slik: Han heng på krossen for oss, og det er lettare å identifisere seg med han viss han ser ut litt meir som oss.
Uteliggjar eller Guds son
Spelet
Homeless or Jesus
kjem heller ikkje rett i frå søndagsskulen. Det dreier seg om å gjette om mennene du får sjå bilde av, er uteliggjarar frå vår tid, eller Jesus.
Fattig snikkar
Er dette blasfemi? Eller er det ein måte å tenkje over det faktumet at Jesus også var/ er der for dei fattige, og at han sjølv var ein fattig snikkar?
Ver Jesus
Running Jesus
lar deg styre Jesus som spring med krossen sin, i konkurranse med andre som skal korsfestast.
Her kan du setje deg inn i korleis Jesus hadde det på vegen mot krossfestinga.
Ok, kanskje det ikkje var heilt sånn det var. Og særleg ærbødig er det ikkje.
Men kristne er meir generøse enn muslimar når det gjeld å ta ein spøk, eller?
Les meir i Neste Klikk:
Fleire nettspel