Fisk som snøggmat
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: saveursdumonde.net)
Fiskeriforskning i Tromsø er i gang med ei gransking om ungdoms smak, haldningar, interesse og forbruk av fisk og fiskeprodukt. Dette er ein del av det europeiske forskingsprogrammet SEAFOODplus. Granskinga skal også finne ut om det er andre preferansar i så pass ulike land som Noreg og Spania.
Kravet om «snøggmat» er stadig aukande i vestlege land. Sjømatindustrien er ikkje like aktiv i denne utviklinga som mange andre matvareprodusentar.
I denne granskinga vert det nytta fiskeburgar, ettersom burgar i utgangspunktet er eit produkt ungdom er kjent med. Tre vidaregåande skular i Troms med totalt 400 elevar og foreldre er med. Ei gruppe med elevar har ete fiskeburgar i skulekantina, ei anna har fått det servert heime. Slik kan ein mellom anna finne ut om «settinga» avgjer preferansar og haldningar hos ungdommane.
Resultata frå den norske granskinga er venta å vere ferdig i mai/juni. I løpet av våren 2006 tek forskarane sikte på å gjennomføre ein tilsvarande test i Spania. (NPK)
