ABC Nyheter

Er det ikkje kvinner, med sitt tilsynelatande umettelege shoppingbehov og aukande klesforbruk, som er dei største miljøsyndarane i det daglege? Nei, absolutt ikkje.

Det er mannen, og særleg den rike vestlege mannen, som er det største miljøsvinet av alle.

Det finst ei mengde offentleg tilgjengeleg informasjon til støtte for ein slik påstand.

Norsk rapport viser skilnadene

Bilbruken er framleis høgast blant menn, med dei utsleppa det medfører. 62 prosent av menns daglege reiser blir gjort som bilførar, ifølgje TØIs (Transportøkonomisk Institutt) rapport «Likestilling i transporten» (2006).

Den tilsvarande delen for kvinner er 47 prosent. Det er dessutan færre kvinner som har førarkort (82 prosent kvinner, 92 prosent menn), og det er berre kvinner som oppgir omsynet til miljøet som årsak til at dei vel å ikkje ta lappen. Ingen menn har dette som grunngjeving. Tidlegare forsking har dessutan vist at det er kvinner som vil ha miljøbilar (44,5 kvinner mot 34,3 prosent menn).

Kvinner reiser meir kollektivt enn menn og stiller seg meir positive til kollektivtransport. Dei går og syklar i større grad og har færre frynsegode knytt til bilbruk. Kvinner utgjer dessutan størstedelen av dei hushaldningane som heilt er utan bil og sertifikat.

Menn påvirkar klimaet meir

Forskar Gerd Johnsson-Latham ved svenske UD konkluderer i sin rapport om kjønn og klimapåverknad at menn forureinar meir enn kvinner:

«Kvinner lev meir bærekraftig enn menn. Dei avgjer eit mindre økologisk fotavtrykk og forårsakar mindre klimaendringar», står det i rapporten, som er eit bidrag til eit pågåande arbeid innanfor FNs kommisjon for bærekraftig utvikling (CSD).

Dette handlar om at menn har større tilgang til økonomiske ressursar enn kvinner, men etter Gerd Johnsson-Lathams heng det også saman med skilnader i kvinners og menns verdisyn, noko som jo kjem til uttrykk både i politisk stemmegjeving og gjennom større miljøorientering.

Kvinner mest urolege

- Kvinner er meir opptekne av miljø enn det menn er, fastslår Ingunn Grimstad Klepp, forskingsleiar ved SIFO (Statens institutt for forbruksforsking) til ABC Nyheter.

SIFO gjennomførte tidlegare i år ei undersøking blant 1000 personar mellom 18 og 80 år gjennomført av SIFO, som blant anna hadde klima og forbruk som tema. Denne viser at kvinner kjeldesorterer i større grad enn menn, dei et mindre kjøt og er meir positive enn menn til miljøhandlingar. Kvinner bekymrer seg dessutan meir for klimaendringane og ekstremvêr enn det menn gjer.

Kvinner (rosa) bekymrer seg meir for klimaendringar enn det menn gjer. Klikk på bilda for større format. (Kjelde: SIFO survey)

Men trass i at det er meir forureinande med ein ny bil enn ei ny handveske, eksisterer det etter Johnsson-Lathams meining ei førestelling om at kvinner handlar for enorme beløp, medan menns kvardagsforbruk knapt får merksemd.

Lite likestilling

- Det har alltid vore slik at kvinners forbruk er meir problematisk enn menns, forklarar Ingunn Grimstad Klepp.

- Det har ingenting med verkelegheita å gjere, anna enn at menn og kvinner handlar ulike typar varer. Kvinner handlar jo mange av dei varene som også menn skal bruke, og gåver som skal gis bort. Mykje av det kvinner handlar, går til eit felles forbruk i familien. Det er framleis slik at kvinna er familiens innkjøpssjef, her er det lite som har endra seg sidan femtitalet.

Ifølgje Grimstad Klepp handlar også menn mykje klede, men då blir det gjerne omtalt som noko anna, til dømes «sportsutstyr».

- Når det gjeld likestilling i familien, går det full fart den gale vegen, meiner forbruksforskaren.

- Det er framleis kvinner som har ansvar for mat, klede og husarbeid. Slik sett er det eit misforhold mellom den ønska likestillinga og den faktiske delinga av praktisk arbeid, som mange skammar seg over, meiner ho.

Kvinner hardest råka

Medan det er menn som i størst grad bidreg til klimaendringar, er det kvinner, og då spesielt fattige kvinner i utviklingsland, som blir hardast råka av desse.

Arbeidet til kvinnene blir forverra i takt med klimaendringane, til dømes når det blir vassmangel, brukar kvinnene meir tid og krefter på å bere vatn heim.