ABC Nyheter

(KLEPP:) Rundt 30 bønder og grunneigarar ved Orrevatnet i Klepp kommune på Jæren ber i eit brev til Miljøverndepartementet om at staten må gjennomføre ei ny og samla konsekvensutgreiing av verneplanen for fuglen svarthalespove, ifølge Nationen.

Regjeringa vedtok i mai i fjor ei eiga forskrift der svarthalespoven har fått status som prioritert art. Det har ført til at 17 bønder fekk bandlagt 2500 mål jord, derav 1853 mål dyrka jord, som mogleg hekkeplass. Framfor årets sesong kan endå fleire bønder bli ramma.

Bøndene fryktar restriksjonane i praksis vil føre til brakk­legging av jorda og store konsekvensar for matproduksjonen.

– Dei vil hindre oss i å køyre ut på jorda, gjødsle, vatne og slå graset heilt frå 15. april til 15. juli. Avlingstapet vil bli så stort at restriksjonane trugar med å velte heile storfeproduksjonen. Konsekvensane for samfunnet er så store at her er berre politikarane nøydde for å snu, seier mjølke- og storfebonde Trond K. Refve og ristar på hovudet.

Les også: Minister og Bondelag enige om at prisene må opp

Spår omfattande fôrmangel

45-åringen har eit av landets største mjølkebruk med 750.000 liter i kvote og til saman nær 500 storfe. 700 mål av den dyrka jorda han driv blei bandlagt i fjor som følgje av verneforskrifta, men Refve såg ikkje brevet i posten før etter første­slåtten. Det har resultert i at han har fått varsel om at han må betale miljøerstatning.

Les også: 1007 bønder har gitt opp

Refve seier restriksjonane som følgje av verneforskrifta blir langt større enn styresmaktene gir inntrykk av, og at bandlegginga kan få konsekvensar for landbruket i store delar av landet.

– Ifølgje landbruksrådgivinga får vi rundt 750 fôreiningar eller over to tonn tørr og god silo per mål. Restriksjonane det blir lagt opp til vil føre til stor reduksjon i avlingane, og det graset som kjem opp vil rotne før vi får slå det. Det kan bli storstilt fôrmangel, noko som vil presse opp prisen på grovfôr i heile Sør-Norge, seier Refve.

Les også: Demonstrerer for å få rødgrønt nei til genmodifisert mat

Sjølv har han investert fleire titals millionar kroner i garden som i dag har ei årleg omsetning på rundt 13 millionar kroner.

– Økonomien er alt marginal frå før, om vi ikkje skal få slikt på toppen, seier Refve.     

Nyinnvandra art

I Norge er svarthalespoven på raudlista over truga artar. Bøndene viser til at arten er langt meir utbreidd i Europa der vernestatusen berre er «nær trua». Arten skal først ha etablert seg her i landet på 70-talet, noko som får bønder til å stille spørsmål ved om det er rett å raudliste fuglen. Bøndene meiner òg å kunne dokumentere at kråke, mink og andre naturlege fiendar er ein større trussel mot fuglen enn grasdyrking, og dei seier dei ikkje er tatt med på råd.

Les også: Drømmehelg for fugletittere

Nationen bad i går om kommentar frå både Miljøverndepartementet og miljøvernsjefen hos Fylkesmannen i Rogaland, utan resultat. Saksbehandlar Anders T. Braa hos Fylkesmannen vedgår at verneplanen får konsekvensar for matproduksjonen, men ikkje så store som bøndene seier. Han seier også at bøndene får erstatning.

Landbruksminister Lars Peder Brekk (Sp), som besøkte bøndene i går, seier at det blir jobba for å finne ei leveleg løysing for alle.

Se også: Disse fuglene trenger reiseguide

Les flere nyheter