ABC Nyheter

Dette skreiv skribenten og bloggaren, Anne Viken, i ein nettdebatt nyleg: "Det er svært få intellektuelle. Å vere intellektuell krev stor evne til nytenkning og analyse. Det er ikkje det same som å vere akademikar. Dei færraste akademikarar er intellektuelle. Mange politikarar er intellektuelle og mange i næringslivet. Og dei er veldig synlege i samfunnsdebatten for den som følger med. Riksaviser eller feks BT og Aftenposten som er desse folkas plattform."

Samstundes som ho påstår at det fins svært få intellektuelle, meiner ho at mange, av dei få, er politikarar, og denne påstanden repeterer ho seinare i debatten. Kven andre, i vide verda, får seg til å påstå at av eit begrensa antal intellektuelle, så er mange politikarar? Ei plausibel forklaring kan være Viken og hennar verbale uttrykksform som kjennteiknast av nærast uforståelige metaforer, presentert med hjelp av dramatisk og pompøs retorikk.

Ser vi på kva politiske leiarar, globalt, presterer så er det hovudsakleg oppsummert i desse omgrepa: krig, tortur, korrupsjon, slaveliknande arbeidsvilkår, svolt, forureining, med meir. Skilnaden mellom fattige og rike aukar, og tenderer til å bli permanent. Omlag 40 prosent av verdas befolkning har store problemer med å skaffe seg det mest nødvendige for å overleve kvar dag. 1/6 lever i ekstrem fattigdom som er definert til ein dollar dagen, og talet mennesker på eksistens minimum er aukande. Er dette intellektuelt leiarskap?

Lokalt ser vi at for kvar einaste dag som går tek Ap-regjeringa stadig nye grep for å rasere velferdsstaten, for eit stadig aukande tal mennesker; dei opnar mellom anna for den ekstremt spekulative finansforma, hedgefond, som er kjend for å ha ført verda ut i ein skremande og vedvarande, økonomisk resesjon. Her er nokre av siste grepa som er tekne:

Regjeringa, ved Finanstilsynet, i november, 2010, opnar for registrering av såkalla hedgefond i Norge. Dette betyr at bank-og finansvesenet, som globalt nyleg har kjørt verdsøkonomien ut for stupet, kan fortsette ufortrødent på same kurs, også i Norge.

Regjeringa, ved Tariffnemda, 21.12.2010, oppheva forskrift om allmenngjering av tariffavtaler på petroleumsanlegg, slik at det no er fritt fram for sosial dumping på desse anlegga.

Regjeringa, ved ei innskjerping hos NAV, 03.02.2011, gjer at asfaltarbeidarar mister retten til dagpengar i dei månadane om vinteren dei er permitterte.

Regjeringa, ved Helse-og omsorgsdepartementet, 09.02.2011, går inn for å fjerne pålegg og vere profesjonsnøytrale, det skal bli opp til den enkelte kommune å sjølv avgjere det lokale helsetenestebehovet. Det vil sjølvsagt føre til at kommunar med dårlig råd, med andre ord; dei fleste, vil velge bort fagkompetanse, som til dømes sjukepleiarar. Noko som vil råke brukarane.

Regjeringa, ved Jens Stoltenberg, har sagt ja til EUs tenestedirektiv og kjem til å seie ja til EUs vikardirektiv. Begge direktiva svekker juridiske og sosiale ordningar, for folk flest, og overprøver og ekskluderer nasjonale lover og tariffavtaler! I seg sjølv eit kjempesvik mot folket og demokratiet.

Den nye pensjonsreformen fører til at berre pensjonistar, med låg livsløp-løn, vert samordna med ektefelle og får dermed enda lågare pensjon. Dei rikaste pensjonistane treng ikkje å uroe seg.

Det er ikkje til å undrast på at Høgre og FrP ikkje finn noko å klage på hos Stoltenberg-regjeringa; med Stoltenbergs nakkegrep om LO-pampane vert velferdsstaten demontert, stein for stein!

Anne Viken, er dette det vi kan forvente meir av frå den politiske intelligentsiaen?